ВКЛУЧЕН АЛАРМОТ ЗА РЕВИДИРАЊЕ И РЕОРГАНИЗИРАЊЕ НА СИСТЕМОТ ЗА СПАС НА МЛАДИТЕ ГЕНЕРАЦИИ
Белград може да биде Скопје, „Владислав Рибникар“ може да биде секое училиште и во Македонија.
Македонија мора да изработи стратегија за семејните вредности да се вратат и бидат најважни, со цел правилен развој на детето, личноста, а преку тоа до напредок во семејството и општеството. Да се почне со системски промени, до Национална стратегија за булинг и Акциски план. Министерството за образование, заедно со другите министерства кои се дел од овој синџир (Министерството за труд и социјална политика, Министерството за здравство, Министерство за правда и сл.) мора да се реорганизираат и сериозно да превземат активности со кои ќе ја заштитат младината, генерациите кои ги изгубивме некаде меѓу технологијата, ковид пандемијата, војната, економската и политичка криза, од која наместо да излеземе, ние се повеќе ја продлабочуваме!
Во секое основно училиште да се вработат психолози, социјални работници и на друг начин со поддршка на Комората на психолози, со професори и стручни лица, да изнајдат модел, форма, начин со кои секојдневно ќе се работи и ќе се биде близу децата, учениците.
Но, не само образовниот сектор треба да го носи најголемиот товар. Тука се социјалните служби, психолозите, економскиот и финансискиот сектор (кои преку обезбедување на подобар стандард за граѓаните ќе ги ослободат родителите од секојдневната борба за преживување и трката за пари и ќе им овозможат повеќе квалитетно време со децата). Здравото семејството е најбитната алка во синџирот во креирањето на личноста на детето. Треба да се осигураме таа да остане најјака.
Заедно со наставниците и родителите ќе ги лоцираат проблемите на учениците во училиштето и надвор од него и ќе им обезбедат психолошка поддршка и внимание да почувствуваат дека не се сами, дека некој ги цени, разбира и подржува. Дека се потребни и важни за семејството и за општеството. Само со искрен пристап и разговори од страна на сите чинители може да се превенира и да имаме среќни и задоволни деца, ученици. Секогаш да бидат прашани како се, како им минува денот во училиште, надвор, дома? Што го натажува, што го плаши?
Ако ги научиме децата да не навредуваат и повредуваат други, нема да имаповредени и навредени!
Од друга страна, паралелно со превенција од булинг, насилство, депресија кај учениците, да се работи на нивно профилирање, потенцирање на нивните
вештини, амбиции и способности, со цел насочување во идно стручно образование и успешна иднина.
Судскиот совет да се самораспушти, а не да бира нов претседател
Случувањата кои претставуваа непосреден упад во работата на седницата на Судскиот совет од страна на Заменикот претседател на Судскиот советот со арогантно и недолично однесување, во моментот кога Претседателот на Судскиот советот претседаваше со седницата, дали само ја покажа поличиката моќ на ДУИ, а немоќта на СДСМ во коалицијата, особено што во неколку моменти се покажа дека Претседателката е од нивни редови? Дали досега на секој можен начин ДУИ покажуваше дека ја има надмоќта во владината коалиција, во извршната власт, а по последните случувања во Судскиот совет покажа дека ја има моќта и во третата, судската власт? Дали да очекуваме на некоја седница на Влада, првиот Вицепремиер да го разреши Премиерот, а СДСМ да даде легитимитет на истото? ДЕСНИЦА смета дека овој состав на Судски совет го изгуби легитимитетот и довербата и затоа е потребно да се направи избор на целосно нов Судски совет со искусни, стручни и политички независни членови, а не да бира нов претседател! Откако се виде дното до кое е стигнато работењето на највисокиот судски орган и власта успeaа столбот на една држава-правдата, третата власт да ја стави на колена, ДЕСНИЦА се залага за итни промени во судството, сметано од највисокиот орган во судството, па се до судиите кои вршат правораздавање во судовите. На судството да му се даде целосна финансиска, а преку тоа целосна независност како трета власт и да се врати довербата кај граѓаните!
Чии се и колку вредат парцелите низ кои ќе поминуваат коридорите 8 и 10?
Не е јасно е како е дојдено до вредноста за изградба на коридорите 8 и 10, а за истото од Владата рекоа дека се уште нема проекти, односно многу работи не биле дефинирани?
Десница смета дека Владата треба јавно да го објави договорот бидејќи со тоа не се загрозува безбедноста на државата, туку напротив со негово криење се загрозуваат јавните финансии, односно парите на граѓаните и интересите на државата. Доколку не го објави јавно, увид во потпишаниот договор треба да имаат сите пратеници кои ќе ги гласаат неуставните и дискриминаторски измени на законите - а не само тие со безбедносен сертификат. Во спротивно пратениците значи гласаат по наредба, а не по свое убедување и во интерес на граѓаните. Увид треба да има и Синдикатот, кој ги штити работничките права и со кој е постигнат договор работната недела да трае 40 часа, а недела да биде ден за одмор. Прекувременото работно време без неделен и годишен одмор е противуставно , бидејќи од овие права работникот не може да се откаже.
Владата јасно да каже дали и колку пари ќе плаќа за секој ден доцнење со изградбата на Коридорите 8 и 10 поради работи за кои Владата се согласила во договорот од ,,нејасни причини" а ни колку државата ќе ја чини и недонесувањето на нелогичните и неуставни законските измени без кои конзорциумот Бехтел и Енка не смеат да почнат да градат!?
Од друга страна, кои се обврските на изведувачот на работите доколку го помине рокот за изградба, доколку не постапува по поставените стандарди и не обезбеди квалитетна изградба, доколку не се придржува до законските права на работниците и сл.? Постојат ли пенали и за изведувачот, или само за државата, односно граѓаните?
Предвремени избори, не партиски комисии без мандат!