Го одбележуваме Меѓународниот ден на ретките болести
Денес, 28 февруари, го одбележуваме Меѓународниот ден на ретките болести, ден посветен на поддршка и подигнување на свеста за пациентите со ретки болести и нивните семејства. Овој ден е симбол на храброста и солидарноста, со цел да се обезбедат подобри услови за дијагноза, третман и општествена интеграција. Десница се заложува сите заедно да создадеме поинклузивна иднина!
Реакција на Претседателката м-р Билјана Јовановска
Изјавата на министерката за финансии претставува грубо нарушување на основните принципи на почит и достоинство во политичкиот дискурс. Како претседателка на партија која се залага за традиционални вредности, јас остро ја осудувам ваквата навреда кон пратеничката Славјанка Петровска. Личните напади врз основа на семејниот статус или личниот живот се недолични и неприфатливи. Ги повикувам сите јавни функционери да покажат одговорност и да се воздржат од дискриминаторски изјави кои го поткопуваат угледот на институциите и создаваат непотребен раздор во општеството.
Реакција од Партијата Десница
Навредливите изјави на министерката за финансии кон пратеничката Славјанка Петровска претставуваат неприфатливо однесување кое го нарушува достоинството на жените во политиката и ја поткопува културата на јавна дебата. Како општество, мора да се стремиме кон почитување на различностите и градење демократски дијалог, без лични напади и дискриминација. Ги повикуваме сите политички актери да се воздржат од навредливи изјави и да покажат одговорност во своето јавно изразување, согласно принципите на еднаквост, толеранција и почитување на човековите права.
Македонскиот јазик е нашиот мајчин јазик!
Македонскиот јазик е нашиот мајчин јазик! Тој е нашиот идентитет, нашата историја и нашата иднина! Тој е гласот на нашите мајки, предци и аманет за генерациите што доаѓаат. Да го чуваме, негуваме и гордо да го зборуваме, затоа што преку него живее духот на Македонија!
Честит нека е денот на мајчинот јазик!