Дел од одговорите на Билјана Јовановска, претседателката на Десница, дадени во интервјуа за медиумите
Што се однесува за најавеното процентуално усогласување од 6%, не би предизвикало промена на планираниот буџет ако истите тие средства наместо по 6% по пензионер, се распределат линеарно со фиксен износ за сите пензионери подеднакво од истиот тој буџет. Зошто? Затоа што 6% зголемување на вкупната сума за исплата на една месечна пензија за сите пензионери (пр. 6 милијарди денари), ќе значи дополнителни 360 милиони денари за буџетот на државата (значи 6 ,36 милијарди), било да е процентуално или линеарно. Од друга страна пак, од гледна точка на пензионерите има разлика и тоа голема од причина што процентуалното усогласување од 6% на пензија од 60.000 ден и 6% на пензија од 13.000 денари не е исто. Во првиот случај е 3.600 денари, во вториот е 780 денари. А исто така Владата може да го зголеми обезбедениот буџет од 6 % од други непродуктивни трошоци и линеарно да ја зголеми пензијата ако не за бараните 3 500, можеби за 2 000 или 2 500 денари. Сивата економија во моментов изнесува 33,2% од БДП и ги оштетува јавните финансии, буџетот на државата и социјалните фондови. За тоа е потребен бескомпромисен пристап. Преку сузбивање на сивата економија во буџетот би се слеале 450 милиони евра годишно, кои ќе се искористат за попродуктивни цели и подобрување на стандардот на граѓаните. Доколку се прифати барањето минималната пензија да биде пример најмалку 18 000 денари, сите пензии ќе пораснат за околу 6 000 денари и нема изедначување на пензиите. Ова се однесува на одредбите за остварување на право на пензија и минимслен износ. И ова нема да значи усогласување, зголемување по 6 000 денари двапати или повеќе пати годишно. Може да биде по 2 000, 2 500 или 3 000 денари. Овој момент кој зависи од Владата и се регулира со одредби за усогласување, а не стекнување и право на минимална пензија. Секоја одговорна власт треба да носи законско решение кое во моментот е најдобро за животниот стандард и реалните потреби на пензионерите. Сега треба да се гледа големата слика, не само слепо да повторуваме дека таков е законот. Пензионерите имаат право да бараат, а Владата има обврска да им обезбеди износ кој ќе им овозмжи достоинствен живот, а не да преживуваат.
Пензионерите не се откажуваат од барањата за покачување на пензијата
Дали реално има можност за поголемо покачување на пензиите разговаравме со поранешната директорка на Пензискиот фонд Билјана Јовановска.
Министерката Тренческа ги измешала лончињата
Едно е остварување право на пензија и висина за истата, а другото е усогласување на пензиите со трошоците за живот! Да и биде појасно, од уплатените придонеси пензионерите добиваат основица за пресметка на износот на пензија и тоа за едни е 200 евра, за други и до 1000 евра. Купчето за усогласување дали ќе го поделите подеднакво на сите, или на тие што имаат многу ќе им дадете уште повеќе, а на тие што скоро и да немаат ќе им дадете трошки, е исклучиво само разум, чувства и воља на министерот за труд, Владата и пратениците! Се разбира со законски измени. Има време со европско знаменце ќе ги доставите. Ако не е уставно линеарното усогласување на пензиите (подеднакво за сите, бидејќи и трошоците, цените се зголемени исто за сите, не се пониски цените за пензионерите со минимални пензии) дали тоа значи дека и износот на К 15 не е уставен бидејќи е за сите ист износ, а не според висина на платата?! Не е уставен законот за материјслно обезбедување каде сите стечајци добија ист износ на паричен надомест, а сите плаќале различен придонес за вработување? А, да 78 % покачувањето на платата на Тренчевска важно е уставно!