Финансиски извештај за 2024 година
Ден на Македонскиот јазик и на Македонската азбука
Почитувани граѓани,
Во оваа свечена година, кога одбележуваме 80 години од кодификацијата на македонскиот јазик, со гордост и благодарност им оддаваме почит на генерациите што го негуваа, развиваа и чуваа македонскиот јазик. Македонскиот јазик е темел на нашиот идентитет и државност – симбол на нашата истрајност, култура и заедништво.
Заедно посилно да го чуваме и унапредуваме македонскиот јазик, за идните генерации да го наследат како богатство и инспирација.
Среќни 80 години македонски јазик!
Честит 1 Мај – Денот на трудот!
Почитувани граѓани,
На 1 Мај – Меѓународниот ден на трудот, упатуваме искрени честитки до сите работници, трудбеници и граѓани кои со својот труд, знаење и посветеност придонесуваат за подобра иднина на нашата држава. Овој ден е симбол на борбата за работнички права, поправеден однос и достоинствен живот за сите.
Да се потсетиме и да им оддадеме признание на сите кои се залагаат за фер услови, солидарност и социјална правда. Заедно ќе се бориме за подобри работнички права и економски политики кои ќе обезбедат сигурност и достоинство за секое семејство.
Честит 1 Мај – Денот на трудот!
Христос Воскресна!
Во духот на Велигден, ви посакуваме здравје, духовен мир и сплотеност. Нека љубовта, добрата мисла и заедништвото бидат водилка во секојдневието, а светлината на Христовото воскресение да донесе надеж и напредок за сите. Христос воскресна – навистина воскресна! За многу години!
8 Април, се одбележува Меѓународниот ден на Ромите
Денес, на 8 Април, се одбележува Меѓународниот ден на Ромите – ден кој нè потсетува на богатството на ромската култура, историја и традиции, но и на предизвиците со кои оваа заедница се соочува. Овој ден е симбол на борбата за еднаквост, правичност и социјална правда, вредности кои мора да бидат темел на секое демократско општество.
Ромската заедница е нераскинлив дел од нашето мултикултурно општество. Нивниот придонес во културниот и општествениот живот на нашата земја е значаен и вреден за почит. Но, истовремено, мора да бидеме свесни дека многу припадници на ромската заедница сè уште се соочуваат со дискриминација, сиромаштија и ограничени можности за образование, вработување и здравствена заштита.
Нека 8 Април биде потсетник дека само преку единство и меѓусебна почит можеме да изградиме општество каде секој има право да ги оствари своите потенцијали. Заедно да продолжиме да работиме за иднина во која различностите нè зближуваат, а не нè делат.
Честит Меѓународен ден на Ромите!