Јавната администрација отсекогаш била цел на негативни критики како од надлежните, така и од јавноста. И секогаш се зборува за проекти за поефикасна јавна администрација, кои и даваат резултати, но невидливи или слабо видливи за јавноста. И додека едни говорат дека таа е многубројна, други дека е неефикасна, реалноста е дека и таму има квалитетни кадри, кои со својата работа максимално се вложуваат граѓаните што полесно и побрзо да ги остварат своите барања и своите права. Десница ги поддржува барањата на јавната администрација за поголеми плати и за достоинствен живот на сите нив кои се посветиле на јавното добро. Не може за едни институции и службеници Владата да е мајка, за други маќеа и да останат со мизерни плати. Впрочем еднаквоста на сите државни и јавни службеници беше и една од целите на Законот за административни службеници. Со вакво самоволие, овој закон ја загуби смислата. Владата и институциите имаат законски мерки со кои можат да ги санкционираат неефикасните и корумпираните државни и јавни службеници. Надлежните не смеат да дозволат да се демотивираат и да си заминат и оние што ги крепат јавните институции.
Претседателката на Десница м-р Билјана Јовановска се дружеше со најмладите и ги одбележаа Новогодишните и Божикните празници.
Почитувани,
Иако годината што изминува за многумина не беше лесна и за паметење, но верувам дека со заеднички напори можеме во 2025 да создадеме посветла и просперитетна иднина. Македонскиот благослов лежи во вербата дека промените на подобро се реални и возможни. Вие сте носители на стабилност и прогрес кои и се потребни на Македонија.
Вашата енергија, креативност и одлучност се клучни за напредок и благосостојба.
Затоа во годината што доаѓа, посакувам:
Да бидете здрави и сакани!
Да бидете храбри и упорни
и да ги остварите вашите цели и амбиции!
Да бидете активни граѓани и да придонесувате за подобрување на вашите заедници и општеството!
Ве повикувам во новата година да негуваме поголемо разбирање и емпатија едни кон други!
Во мое и во име на Десница ви посакувам 2025 да биде година исполнета со нови можности и големи успеси!
Имајте среќна и бериќетна Нова година!
