Пред точно 80 години на 11 март 7.144 македонски Евреи од тогашната бугарска војска сојузник на фашистичкиот окупатор, биле депортирани во логорот на смртта Треблинка во Полска и ниту еден од нив за жал не преживеал. Со длабока почит кон македонските Евреи жртви на овој суров и нечовечен чин, Претседателката на Десница, Билјана Јовановска со делегација, положија свежо цвеќе и камчиња на споменикот изграден во поранешен скопски Монопол, подоцна Тутунски комбинат. Ова било местото на злосторот од каде 7.144 македонските Евреи, деца, жени, мажи од Скопје, Битола и Штип биле качени во вагони и испратени во сурова смрт. Извршениот геноцид на околу 6 милиони Евреи за време на втората светска војна треба да остане врежан во колективната меморија како нешто што не смее никогаш и никаде да се повтори, ниту да се заборави. Но дали човештвото извлече поука од ова, дали светот стана подобро место за живеење, или истото се повторува само на поинаков начин, во поинакви форми ?!
По повод одбележувањето на 151 година од раѓањето на македонскиот великан, Гоце Делчев, Претседателката на Десница Билјана Јовановска со делегација од партијата Десница го посетија неговото вечно почивалиште во цркавата Свети Спас во Скопје и оддадоа почит. Продолжуваме сами и ребрендирани како ДЕСНИЦА, против одлуки и политики кои се штетни за државата и граѓаните
Десница изразува длабоко жалење за загубените животи во катастрофалната несреќа што утрово ја погоди Република Турција. Изразуваме длабоко сочувство до семејствата на починатите. Лесно и брзо закрепнување им посакуваме на повредените.