Дали со оваа изјава министерот Николовски го повлекува спорниот член од Законот за изменување и дополнување на законот за земјоделско земјиште, со кој се дозволуваше поставување на енергетска опрема на земјоделско земјиште од 3 и 4 категорија? Според ЕНЕР, спорниот член не е повлечен. Дали самиот се демантира?
Со предложените измени и дополни на Законот за земјоделското земјиште, со кои се дозволува изградба на енергетски градби на квалитетно земјоделско земјиште, оваа ненародна влада покажува дека и понатаму продолжува со урнисување на сé што е вредно. Во земја која отсекогаш била аграрна, која е богата со сонце и вода, најквалитетното земјоделско земјиште да го претвориш во енергетска централа, е уште еден доказ дека бизнис интересите на оваа ненародна влада се над сé друго. Во време кога храната (месо, овошје, зеленчук, жито и сл.) станаа луксуз, наместо да се стимулира производството на храна, зголемување на сточниот фонд, искористување на пасишта и сл., а со тоа да се намалат високите цени на овие производи, оваа ненародна влада предзвикува зголемување на дефицитот на основните прехранбени производи од домашно производство, претворање на пасишта во градежно земјиште и сл. Десница прашува дали наместо храна, овој народ ќе јаде струја/ фотоволтаици/ ветерници?! Што е овде постратешко- производство на храна или градење објекти на површини наменети за производство за храна за лични интереси? Зборувате за 100% искористеност на средствата од ИПАРД 2. На што ќе се трошат средствата од ИПАРД 3 ако целото земјоделско земјиште го претворите во енергетски централи? За каков развој на земјоделството говорите, ако нема земјоделско земјиште? Дали со средствата од ИПАРД 3 во најголем дел (да останат трошки и за земјоделците) се планира финансирање на бизнисот со енергија, на сметка на производство на храна, кој е во рацете на сегашната власт?
Да не дозволиме од земја-производител на евтини, а квалитетни земјоделски производи да се претвориме во увозник на истите по многу високи цени.
За една нето функционерска плата од 200.000 денари, потребни се придонеси од 20 работници во приватниот сектор на минималец, вели Билјана Јовановска, поранешна директорка на ПИОМ. Зголемувањето на функционерските плати ја откочи спиралата на незадоволство. Можно ли е зголемување за сите пензионери?
„Ако има за вас, треба да има и за нас“, беше еден од транспарентите на револтираните и разочарани пензионери, на протестот пред Владата на 20 септември – Меѓународниот ден на пензионерите.
Оттогаш поминаа уште 20 дена, во кои за пензионерите ништо не се смени во однос на нивните барања до власта. Ниту добија линеарно покачување од по 3.500 денари за сите (57 евра), ниту добија минимална пензија од 18.000 денари (293 евра).
Добија само ветување дека ќе влезат во нов „пакет“ за помош што го токми државата. Кога и како – уште не се знае.
Целиот текст на Радио Слободна Европа
Драги пензионери,
Вие заслужувате достоинствен живот затоа што други генерации живееа достоинствено благодарение токму на вас. Вие поминавте тешки моменти и неизвесност низ вашиот животен работен век. Но бевте силни и позитивни и продолживте да давате за системот, за државата, за фондовите. Заслужувате пензии кои ги заработивте чесно и со голем труд и жртва. Одмор, викенд, бања, здравствена заштита, социјални дружења се работи кои треба да ги имате. Не се откажувајте од правото на пензии кои се достоинствени на вас и вашиот живот. Десница ве подржува во вашите барања!Посакуваме да си дочекате длабока старост во добро здравје!
Нека ви е честит денот на пензионерите!
Менталното здравје е нешто што се однесува на сите нас. Тоа не се изразува само во случај на сериозни дијагнози или ментални болести, туку се однесува на начинот на кој се справуваме со стресот, како се однесуваме кон себе и кон другите, и како ги управуваме емоциите.
Во денешното брзо течење на животот, често пати пропуштаме да се погрижиме за нашето ментално здравје. Стресот и депресијата имаат долгорочни последици ако не се надвладеат. Затоа, Светскиот ден на менталното здравје ни припомнува дека мораме да го негуваме и одржуваме нашето ментално здравје како што го правиме со нашето физичко здравје.
Еден од најважните начини да се грижиме за нашето ментално здравје е да разговараме за него. Слушањето и разговарањето со другите, но и со себе, може да помогне да се разберат и лекуваат многу од проблемите со кои се соочуваме. Треба да сме отворени за да ги прекуцаме стигмите поврзани со менталното здравје и да се обидеме да создадеме околина каде што секој може да се чувствува поддржан и разбран.
Светскиот ден на менталното здравје се одбележува на 10-ти октомври секоја година и претставува важен повод да се подигне свеста и вниманието кон психичкото здравје, како и да се размислува повеќе за превенција и помош на лицата кои се соочуваат со психички проблеми.
На Светскиот ден на менталното здравје, даваме можност за образование и разговор за значењето на менталното здравје, како и за достапноста на услуги за психичка помош. Паметете, вашето ментално здравје е важно и ја заслужува вашата поддршка и грижа секој ден.