ЛОКАЛНИ ИЗБОРИ 2025
ВЛАДАТА ДА МУ ПОДАРИ НА ТАРАВАРИ МАКЕДОНСКИ ЗНАМИЊА!
ДЕСНИЦА ги повикува институциите да бидат професионални, принципиелни и експедитивни со Таравари како и со останатите граѓани кои го вееле старото историско македонско знаме! Па така очекуваме да го посетат и потсетат Таравари дека е македонски градоначалник и коалиционен партнер во Владата на Македонија кој прима плата од македонскиот буџет благодарение на платените даноци на македонските граѓани! Не само што парадира со знаме на туѓа држава, туку македонското државно знаме го ,,изгубил" во суетата и национализмот, а заборавил и дека македонскиот јазик е ПРВ службен јазик на целата територија и дрско покажува дека не ја сака и почитува Македонија! Очекуваме институциите да постапат согласно законските прописи и да го санкционираат ова самоволие и насилие и да покаже дека законите важат за сите.
ДЕСНИЦА прашува дали Владата и институциите функционираат исклучиво само против старото историско македонско знаме?
МАКЕДОНСКИТЕ ГРАЃАНИ ЌЕ ПЛАЌААТ, А МИНИСТЕРОТ МЕЏИТИ ЌЕ ГИ РАСФРЛА НИВНИТЕ ПАРИ
ДЕСНИЦА го прашува Mинистерот за здравство: Зошто само за граѓаните на Косово и Албанија изедначување на цените на здравствените услуги, а не и за тие на Грција, Бугарија и Србија? По кој критериум граѓани на едни соседи ги фаворизира во однос на други? Има многу граѓани и од другите соседни држави кои користат здравствени услуги во Македонија. Зошто да не важи и за нив изедначувањето на цените на здравствените услуги? И зошто воопшто да бидат изедначени?! Здравството го одржуваат и финансираат македонски компании и граѓани преку придонеси и даноци! Дали Министерот за здравство заборави на кои граѓани им служи и на кој држава? Да го потсетиме- на македонските граѓани и треба да работи да им ги подобри здравствените услуги и цени на тие што го финансираат и што придонесуваат, особено во услови на намален животен стандард, а не да крати од финансиските средства кои доаѓаат дополнително од надвор.
Предлогот на ДУИ е за обезбедување нејзина вечна власт
Прагот од 5% кој го предлага ДУИ, не е во функција да се обезбеди политичка стабилност, туку да си обезбеди сигурна и вечна власт. Тоа е единствената причина шт оваа партија инсистира на услови кои се невозможни за поголем дел од партиите.
ДЕСНИЦА дава поддршка на предлогот за една изборна единица без изборен праг.
СДСМи ВМРО-ДПМНЕ еднаш мора да застанат со лицемерните политики кон исполнување на овој услов и да дадат целосна и искрена подршка со реализација на измената на изборниот модел, односно Македонија да биде една изборна единица
без консензус, односно без т.н.изборен праг.
Моделот на една изборна единица е праведен и правичен и е одраз на вистинска демократија и на избори само би се отсликала реалната волја на гласачите.
Со сегашниот модел СДСМ, ВМРО-ДПМНЕ и ДУИ ги одземаат гласовите на помалите политички партии. Впрочеми Американската амбасада и Европската делегација и
во минатотодадоа позитивно мислење и поддршка за ваквите измени.
За каква политичка нестабилност зборува претставникот на ДУИ доколку се почитува волјата на секој граѓанин на Македонија без проценти?! Ниту демократијата, ниту граѓаните, ниту државата не смеат да бидат заложник на неколку политички партии. А СДСМ и ВМРО-ДПМНЕ да се ослободат од заложништовото на ДУИ и да не го одземаат правото на застапување и претставување во македонскиот законодавен дом на секој еден граѓанин кој сака да гласа и ќе гласа!
Честит Ден на македонскиот јазик: „Јазикот е нашата татковина!“
„Послушајте Македонци!
Јазикот е единствената наша татковина. Сѐ додека го чуваме, го негуваме, го вардиме, го гледаме јазикот наш македонски – ќе може да сметаме дека ја имаме и татковината. Како куќа, како дом, како огниште“
~ Блаже Конески
Со решение на АСНОМ од 2 август 1944 година, донесено во манастирот Прохор Пчински, македонскиот јазик беше заведен како службен јазик на македонската држава. Потоа, на 5 мај, 1945 година, со решение на Народната влада на Федерална Република Македонија е усвоена азбуката на македонскиот јазик, а по два месеца, на 7 јуни 1945 година, се усвојува првиот правопис на македонскиот јазик. Со тоа, македонскиот јазик е официјално кодифициран и стандардизиран.Прашање е дали Владата и владините функционери го штитат, почитуваат и правилно користат македонскиот јазик?! Односно колку имаат контрола за
негово правилно и официјални користење?!
Да го користиме правилно и секојдневно во говорењето, во пишувањето!
Да го чуваме и негуваме!
Вечно да го чествуваме!